പൂരിയും, ചപ്പാത്തിയും ഉരുളകിഴങ്ങുകറിയും / chappati, poori and potato curry

ചപ്പാത്തി

1.ഗോതമ്പുപൊടി – മൂന്ന്‌ കപ്പ്‌

2.വെള്ളം , ഉപ്പ് – പാകത്തിന്

തയ്യാറാക്കുന്ന വിധം

ഗോതമ്പുപൊടി ,ഉപ്പ് ചേര്‍ത്ത് കുറേശ്ശെ വെള്ളം ഒഴിച്ച് കുഴച്ചെടുക്കുക .

മാവ് ഉണങ്ങിപോകാതിരിക്കനായി അല്പം എണ്ണ കുഴച്ച മാവിന്‍റെ മുകളില്‍ പുരട്ടി വെക്കുക.അല്ലെങ്കില്‍ ഒരു നനഞ്ഞ തുണി കൊണ്ട് മൂടിവക്കുക . ഇതിനെ പിന്നീട് കുഞ്ഞു കുഞ്ഞു ഉരുളകളാക്കി ,വട്ടത്തില്‍ പരത്തി എടുത്തു ചപ്പാതികല്ലില്‍മൊരിച്ചെടുക്കുക . വേണമെങ്കില്‍ ഓരോ

ചപ്പാത്തിയുടെയും മുകളില്‍ അല്പം നെയ്യ്‌ പുരട്ടി എടുക്കാം .ചൂടോടെ ഉപയോഗിക്കുക.

പൂരി

ആട്ട – രണ്ട് കപ്പ്‌

മൈദാ – അര കപ്പ്‌

നെയ്യ് അല്ലങ്കില്‍ എണ്ണ – 2 ടി സ്പൂണ്‍

ഉപ്പ് , വെള്ളം – പാകത്തിന്

എണ്ണ – വറത്ത് കോരാന്‍ ആവശ്യമായത്

തയ്യാറാക്കുന്ന വിധം

ആട്ടയും മൈദയും നെയ്യുമായി നന്നായി യോജിപ്പിക്കുക. എന്നിട്ട് വെള്ളവും ഉപ്പും ചേര്‍ത്ത് കുഴച്ചു എടുക്കുക .ചെറിയ ഉരുളകളാക്കി വട്ടത്തില്‍ (ഒരു ചെറിയ അടപ്പ് വെച്ച് വട്ടത്തില്‍ കട്ട്‌ ചെയ്ത്‌ എടുക്കുക)പരത്തുക .എണ്ണ വെട്ടി തിളക്കുമ്പോള്‍ ഓരോന്നും എണ്ണയില്‍ വറത്ത് കോരുക.

ഗ്രീന്‍പീസ്-ഉരുളകിഴങ്ങ് കറി

1.ഉരുളകിഴങ്ങ് – 3വലുത്

2.ഗ്രീന്‍പീസ്(മട്ടര്‍)- അര കപ്പ്‌ (ഫ്രഷ്‌മട്ടര്‍)

(പാക്കറ്റുകളില്‍ കിട്ടുന്ന ഉണങ്ങിയ ഗ്രീന്‍പീസ് അല്ല )

3.തക്കാളി – 3

4. സവാള – 1

5.ഇഞ്ചി – ഒരു ചെറിയ കഷണം

6.തൈര് – അര കപ്പ്‌

7.പച്ചമുളക് – 3

8.ഉപ്പ് – പാകത്തിന്

9.വെള്ളം – പാകത്തിന്

10.എണ്ണ – 3 ടേബിള്‍സ്പൂണ്‍

11.മല്ലിയില – കുറച്ച്‌.

12.ജീരകം – ഒരു നുള്ള്

13.കടുക് – ഒരു നുള്ള്

മസാലകള്‍

1.മല്ലിപൊടി – 1ടി സ്പൂണ്‍

2.മുളക്പൊടി – അര ടി സ്പൂണ്‍

3ഗരംമസാലപ്പൊടി – അര ടി സ്പൂണ്‍

4.മഞ്ഞള്‍പ്പൊടി – 1ടി സ്പൂണ്‍

തയ്യാറാക്കുന്ന വിധം

1.ഉരുളകിഴങ്ങ് പുഴുങ്ങി ,ഉടച്ചെടുക്കുക .

2.ഗ്രീന്‍പീസ് പുഴുങ്ങി എടുക്കുക.

3.തക്കാളി നീളത്തില്‍ അരിഞ്ഞുഎടുക്കുക.

4.സാവാളയും പച്ചമുളകും ഇഞ്ചിയും മിക്സിയില്‍ അരച്ചെടുക്കുക

ഇത്രയും ചെയ്തു വെച്ചാല്‍ ബാക്കിയുള്ള പണികള്‍ എളുപ്പമായി .

( A) ഒരു ചുവടു കട്ടിയുള്ള പാനില്‍ എണ്ണ ഒഴിക്കുക . എണ്ണ ചൂടാകുമ്പോള്‍ ജീരകവും കടുകും ഇടുക .

(B)ജീരകവും കടുകും പൊട്ടി തുടങ്ങുമ്പോള്‍ മിക്സിയില്‍ അരച്ചെടുത്ത കൂട്ട് ചേര്‍ക്കുക.

(C)നല്ലതുപോലെ വഴന്നു കഴിയുമ്പോള്‍ അതിലേക്കു തക്കാളിയും ഉപ്പും ആവശ്യമായ പൊടികളും ചേര്‍ത്ത് നന്നായ്‌ ഇളക്കി വഴറ്റുക.

(D) തീ കുറച്ചു വെച്ച് അതിലേക്കു ഉരുളകിഴ്ങ്ങും ഗ്രീന്‍പീസും ഒരു കപ്പ്‌ വെള്ളവും ചേര്‍ത്ത് ,കുറച്ച് മിനിട്ട് അടച്ച്‌ വെച്ച് വേവിക്കുക .(E)അതിലേക്കു ഉടച്ച തൈര് ചേര്‍ത്ത് നന്നായി ഇളക്കുക.നല്ലതുപോലെ കുറുകുമ്പോള്‍ (തിക്ക്ഗ്രേവി) തീ അണക്കുക.

(F)അതിനു ശേഷം കുറച്ച് മല്ലിയില അരിഞ്ഞത് മുകളില്‍ തൂവുക

പൂരിയുടെ കൂടയും ഈ കറി നല്ലതാണ്.

റവ ഇഡലി / Rava Idli

റവ ഇഡലി / Rava Idli

1.റവ – നാല് കപ്പ്‌ rava idli

2.ഉഴുന്ന് ഒന്നേ മുക്കാല്‍ കപ്പ്‌

3.ഉപ്പ് ആവശ്യത്തിന്

തയ്യാറാക്കുന്ന വിധം

1.ഉഴുന്ന് 4മണിക്കൂര്‍ കുതിരാന്‍ വെക്കുക.

2.റവയും കുറച്ചു ഇളം ചൂട് വെള്ളത്തില്‍ 4മണിക്കൂര്‍ കുതിരാന്‍ വെക്കുക.

3.ഉഴുന്ന് മിക്സിയില്‍ ആട്ടി എടുക്കുക.

4.റവ ചൂട് വെള്ളം ഊറ്റി കളഞ്ഞതിനുശേഷം ,അല്പം സാധാരണ വെള്ളം ഒഴിച്ച് അതില്‍ നിന്നും റവ കൈ കൊണ്ട് പിഴിഞ്ഞ് എടുത്തു ആട്ടിയ മാവുമായി ചേര്‍ത്ത് നന്നായി ഇളക്കുക

5..പാകത്തിന് ഉപ്പും ചേര്‍ക്കുക.

6. ഈ മിശ്രിതം പുളിക്കാനായി ഒരു രാത്രി മുഴുവന്‍ വെക്കുക .

7.പിറ്റേ ദിവസം ഈ മാവ് ഇഡലിതട്ടില്‍ ഒഴിച്ച് ആവിയില്‍ വേവിച്ച്എടുക്കുക .(ഉഴുന്ന് ആട്ടുമ്പോള്‍ പരമാവധി കുറച്ചു വെള്ളത്തില്‍ ആട്ടിഎടുക്കാന്‍ നോക്കുക ,അപ്പോള്‍ നല്ല മയമുള്ള ഇഡലി കിട്ടും) .

8.ഇതു ചട്നി കൂട്ടി കഴിക്കാം .

മസാല ദോശ / Masala Dosa

മസാല ദോശ / Masala Dosa
masala dosa

1.അരി ഒരു 1കിലോ ഗ്രാം

2.ഉഴുന്ന് കാല്‍ കിലോ ഗ്രാം

3.ഉപ്പ് ആവശ്യത്തിന്

4.ഉരുളകിഴങ്ങ് അര കിലോ ഗ്രാം

5.സവാള അര കിലോ ഗ്രാം

6.തക്കാളി രണ്ട്

7.പച്ചമുളക് മൂന്ന്‍

8.ഇഞ്ചി ഒരു ചെറിയ കഷണം

9കറിവേപ്പില – കുറച്ച്

10.കടുക്‌ കുറച്ച്

11വറ്റല്‍മുളക് – 5

തയ്യാറാക്കുന്ന വിധം

അരിയും ഉഴുന്നും വെവ്വേറെ 10മുതല്‍ 12 മണിക്കൂര്‍ കുതിരാന്‍ വെക്കുക .ആദ്യം ഉഴുന്നും പിന്നെ അരിയും മിക്സിയില്‍ ആട്ടി എടുക്കുക എന്നിട്ട് രണ്ടു മാവും ഒന്നിച്ച് ഇളക്കി ഉപ്പും ചേര്‍ത്ത് പുളിക്കാന്‍ വെക്കുക.

ഉരുളകിഴങ്ങ് പുഴുങ്ങി എടുക്കുക. ഒരു പാനില്‍ എണ്ണ ഒഴിച്ച് കടുക്‌ ,വറ്റല്‍മുളകും മൂപ്പിച്ച്‌ അതിലേക്ക് പച്ചക്കറികള്‍ ചെറുതായി അരിഞ്ഞത് ഇട്ട് നന്നായി വഴറ്റുക. വഴന്ന്‍ കഴിയുമ്പോള്‍ ഉരുളകിഴങ്ങ് പുഴുങ്ങിയത് ചേര്‍ക്കുക .ഇതാണ് ദോശക്ക് വേണ്ടിയുള്ള മസാലക്കൂട്ട്.

ദോശ കല്ലിലില്‍ എണ്ണ പുരട്ടി ചൂടാകുമ്പോള്‍ മാവ് ഒഴിച്ച് കനം കുറച്ച് പരത്തി ഒരു വശം ചുവക്കുമ്പോള്‍ രണ്ട് സ്പൂണ്‍ മസാലക്കൂട്ട് വച്ച് ദോശ മടക്കി രണ്ടറ്റവും അമര്‍ത്തി കുറച്ച് എണ്ണ ഒഴിച്ച് മൊരിച്ച് എടുക്കുക .

ഇഡലി\ദോശ Idli / Dosa

ഇഡലി\ദോശ Idli / Dosa

1.അരി – 1കിലോ ഗ്രാംdosa
2.ഉഴുന്ന് – കാല്‍ കിലോ ഗ്രാം
3.ഉപ്പ് – ആവശ്യത്തിന്
ഇഡലി\ദോശമാവ് തയ്യാറാക്കുന്ന വിധം
അരിയും ഉഴുന്നും വെവ്വേറെ 10മുതല്‍ 12 മണിക്കൂര്‍ കുതിരാന്‍ വെക്കുക .ആദ്യം ഉഴുന്നും പിന്നെ അരിയും മിക്സിയില്‍ ആട്ടി എടുക്കുക.എന്നിട്ട് രണ്ടു മാവും ഒന്നിച്ച് ഇളക്കി ഉപ്പും ചേര്‍ത്ത് പുളിക്കാന്‍ വെക്കുക.
ഏകദേശം 10 മണിക്കൂര്‍ കഴിഞ്ഞു എണ്ണ ദോശ കല്ലില്‍ പുരട്ടി,പുളിച്ച മാവ് ഓരോ തവി ഒഴിച്ച് ദോശ മൊരിച്ചെടുക്കുക .
ഇഡലിക്കാനെങ്കില്‍ ഈ മാവ് ഇഡലിതട്ടില്‍ ഒഴിച്ച് ആവിയില്‍ വേവിച്ച് എടുക്കുക .സാമ്പാര്‍ \ചമ്മന്തി ഇവയുടെ കൂടെ നല്ലതാണ് .
ഇഡലി\ദോശക്കുമുള്ള തേങ്ങാ ചമ്മന്തി

1.തിരുമ്മിയ തേങ്ങ – ഒരു കപ്പ്‌rava idli
2.ചുമന്നുള്ളി – രണ്ട്
3.മുളക്പൊടി – അര സ്പൂണ്‍
4. എണ്ണ – ഒരു ടേബിള്‍സ്പൂണ്‍
5.ഉപ്പ് – ആവശ്യത്തിന്
താളിക്കാന്‍ ആവശ്യമുള്ളത്
1.കടുക് – ഒരു ടീസ്പൂണ്‍
2.വറ്റല്‍ മുളക് -രണ്ട്
3.കറിവേപ്പില – കുറച്ച്‌
4.ചുമന്നുള്ളി – രണ്ട് (വട്ടത്തില്‍ അരിഞ്ഞത്)
തയ്യാറാക്കുന്ന വിധം
തേങ്ങ ആവശ്യത്തിന് വെള്ളം ഒഴിച്ചു മയത്തില്‍ അരച്ച് എടുക്കുക .എണ്ണ ചൂടാകുമ്പോള്‍ കടുകും മറ്റു സാധങ്ങളും വറുത്ത് കറിയില്‍ ഇടുക.

അട പ്രഥമന്‍ Ada Pradhaman / kheer kerala style

അട പ്രഥമന്‍ Ada Pradhaman

1.അട – ഒരു പാക്കറ്റ്‌
2.ചവ്വരി – കാല്‍ കപ്പ്‌
3.തേങ്ങ – 4എണ്ണംpradhaman
5. തേങ്ങ ചെറുതായി കഷണങ്ങള്‍ ആക്കിയത് – കുറച്ച്‌
5.ശര്‍ക്കര – 500ഗ്രാം
6.അണ്ടി പരിപ്പ് – 100ഗ്രാം
7.നെയ്യ് – 50ഗ്രാം
8.ചുക്ക് – ഒരു ടി സ്പൂണ്‍
9.ഏലക്ക പൊടി – കാല്‍ ടി സ്പൂണ്‍
തയ്യാറാക്കുന്ന വിധം
കുറച്ചു കാര്യങ്ങള്‍ മുമ്പേ ചെയ്തു വെച്ചാല്‍ എളുപ്പമാകും 1(എ )ആദ്യമായി തേങ്ങ തിരുമ്മി തേങ്ങാപ്പാല്‍ ഉണ്ടാക്കണം .അതിനുവേണ്ടി തേങ്ങ തിരുമ്മിയത് ഒരു മിക്സിയില്‍ രണ്ട് കപ്പ്‌ വെള്ളം ഒഴിച്ച് അടിച്ചെടുക്കുക.( കൈ കൊണ്ട് വേണമെങ്കിലും ചെയ്യാം.ഇതാണ് ഒന്ന് കൂടി എളുപ്പം ) ഇതു ഒരു വൃത്തിയുള്ള തുണിയില്‍ അരിച്ചെടുക്കുക.ഏതാണ്ട് മൂന്ന് കപ്പ്‌ കട്ടി പാല്‍ കിട്ടും.ഇതു ഒന്നാം പാല്‍ .
(ബി )ആ തേങ്ങപീര തന്നെ വീണ്ടും മിക്സിയില്‍ മൂന്നു ഗ്ലാസ്‌ വെള്ളം ഒഴിച്ച് അടിച്ചെടുക്കുക.ഇതും അരിച്ചെടുക്കുക(2കപ്പ്‌ കിട്ടും ).ഇതു രണ്ടാം പാല്‍ .

(സി )ഒന്ന് കൂടി അഞ്ചു ഗ്ലാസ്‌ വെള്ളം ഒഴിച്ച് തേങ്ങപീര അടിച്ചെടുത്ത് , തുണിയില്‍ അരിച്ചെടുക്കുക.(4കപ്പ്‌ കിട്ടും).ഇതാണ് മൂന്നാം പാല്‍ .

(ഡി)തേങ്ങപീര കളയരുത്. പിന്നീട് ആവശ്യമെങ്കില്‍ പിഴിഞ്ഞ് എടുക്കാം.
2.ചുക്കും ഏലക്കയും പൊടിച്ചു എടുക്കുക. കശുവണ്ടി വറുത്ത് മാറ്റി വെക്കുക.തേങ്ങ ചെറുതായി കഷണങ്ങള്‍ ആക്കിയതും വറക്കുക.
3.ശര്‍ക്കര ഒരു കപ്പ്‌ വെള്ളത്തില്‍ ഇട്ട് തിളപ്പിക്കുക .ശര്‍ക്കര നന്നായി അലിഞ്ഞു കഴിയുമ്പോള്‍ ,വാങ്ങി അരിച്ചെടുക്കുക . ഈ വെള്ളം മാറ്റി വെക്കുക.
4.ഒരു പാത്രത്തില്‍ മൂന്ന് കപ്പ്‌ വെള്ളം ഒഴിച്ച് ചവ്വരി അതിലിട്ടു തിളപ്പിക്കുക.ചവ്വരി ട്രാന്‍സ്പെരന്റുംമൃദുവും ആകുംവരെ വേവിക്കുക. ഇതും മാറ്റിവെക്കുക.
5.അട ആവശ്യമായ വെള്ളം ചേര്‍ത്ത് വേവിക്കുക .കിട്ടുന്ന പാക്കറ്റില്‍ അട നീളത്തില്‍ ആണെങ്കില്‍ കൈ കൊണ്ട് ഒടിച്ചു ചെറുതാക്കുക .വെന്തു കഴിയുമ്പോള്‍ അട നല്ല മൃദു ആകും .വാങ്ങി ഊറ്റി എടുക്കുക.പിന്നയും ഒട്ടുന്ന പോലെ തോന്നുന്നുവെങ്കില്‍ ഒരു ഗ്ലാസ്‌ തണുത്ത വെള്ളം ഒഴിച്ച് ഒന്ന് കൂടി ഊറ്റി എടുത്താല്‍ മതിയാകും .
ഇനി അട പ്രഥമന്‍ വെക്കാന്‍ തുടങ്ങാം.പ്രത്യേകം ശ്രദ്ധിക്കുക ,ഇളക്കാന്‍ വിട്ടു പോകരുത്.അട പ്രഥമന്‍ തയ്യാറാകുന്നത് വരെ ഇളക്കി കൊണ്ടിരിക്കണം .

(A.)ചുവടു കട്ടിയുള്ള ഒരു പാത്രത്തില്‍ (ഉരുളി ആണ് ഏറ്റവും നല്ലത് ),ശര്‍ക്കര പാനി ഒഴിക്കുക .ഇതിലേക്ക് അടയും ചവ്വരിയും ഒന്നിച്ചു ചേര്‍ത്ത് ഇളക്കുക. അട പാത്രത്തിന്‍റെ സൈഡ് വിട്ടു വരും വരെ ഇളക്കുക.
(B)ഇനി നെയ്യ് ഒഴിക്കാം .ഇളക്കു തുടര്‍ന്ന് കൊണ്ടിരിക്കുക.
(C)ഇതിലേക്ക് മൂന്നാം പാല്‍ ഒഴിക്കുക .തിളക്കാന്‍ അനുവദിക്കുക.കൊഴുത്ത്(തിക്ക് ) വരും വരെ ഇളക്കു തുടര്‍ന്ന് കൊണ്ടിരിക്കുക.
(D)തിളക്കുമ്പോള്‍ രണ്ടാം പാല്‍ ഒഴിക്കുക.ഇതു നല്ല കൊഴുത്ത് വരുമ്പോള്‍ ഒന്നാം പാല്‍ ഒഴിക്കുക.തിളക്കാന്‍ പാടില്ല . ഒന്ന് ചൂടാകുമ്പോള്‍ വാങ്ങി ഏലക്കയും ചുക്കും കശുവണ്ടിയും വറുത്ത തേങ്ങ കഷണങ്ങളും ചേര്‍ത്ത് അടച്ചു വെക്കുക.
(E)അട പ്രഥമന്‍ കൂടുതല്‍ തിക്ക് ആണെങ്കില്‍ അല്പം തേങ്ങപ്പാലോ സാധാരണ തിളപ്പിച്ച പശുവിന്‍ പാലോ ഒഴിച്ച് ശരിയാക്കാം .അടപ്രഥമന്‍ തയ്യാര്‍ .

സേമിയ പായസം Semiya Paayasam

പായസം ഇല്ലാതെ എന്ത് ഓണം ,അല്ലെ നമ്മുക്ക് അടപ്രടമനും സെമിയ പായസവും വെക്കുന്ന രീതി ഒന്ന് നോക്കാം………..
സേമിയ പായസം Semiya Paayasam

1.സേമിയ – 250 ഗ്രാം
2.പാല്‍ – ഒരു ലിറ്റര്‍semiya payasam
3.മില്‍ക്ക് മെയ്‌ട് – അര ടിന്‍
(ആവശ്യമെങ്കില്‍ മാത്രം)
4.പഞ്ചസാര – 150ഗ്രാം
(മധുരത്തിന് ആവശ്യമനുസരിച്ച് ചേര്‍ക്കുക ,കാരണം മില്‍ക്ക് മെയ്‌ട് മധുരമുള്ളതാണ്)
5.ഏലക്ക – കാല്‍ ടി സ്പൂണ്‍
(വറുത്തു പൊടിച്ചത് )
6.നെയ്യ് – 3ടേബിള്‍ സ്പൂണ്‍
7.വെള്ളം – ആവശ്യത്തിന്
തയ്യാറാക്കുന്ന വിധം

സേമിയ നെയ്യില്‍ നല്ല ഗോള്‍ഡന്‍ ബ്രൌണ്‍ നിറമാകുന്നതു വരെ വറക്കുക.ഇതിലേക്ക് ആവശ്യത്തിന് വെള്ളം ഒഴിച്ച് തിളപ്പിക്കുക. വെള്ളം വറ്റാറകുമ്പോള്‍ പാല്‍ ഒഴിച്ച് തുടരെ ഇളക്കുക.പാല്‍ ഒഴിച്ച് തിളക്കാന്‍ തുടങ്ങുമ്പോള്‍ മില്‍ക്ക് മെയ്‌ട് ചേര്‍ക്കുക. മധുരം ആവശ്യമെങ്കില്‍ പഞ്ചസാരയും ചേര്‍ക്കുക.പാല്‍ അല്പം കൂടി വറ്റുമ്പോള്‍ ഏലക്ക പൊടി ചേര്‍ത്ത് വാങ്ങി വെക്കുക.