ചൂര മീന്‍ കറി Choora / Tuna fish curry Naadan style choora curry

ചൂര  മീന്‍ കറി Choora / Tuna fish curry Naadan style

ചൂര – 1കിലോ

സവാള  _ 2 കൊത്തിയരിഞ്ഞത്

തക്കാളി  – 2 പൊടിയായി അരിഞ്ഞത്‌choora meen curry

മീന്‍ പുളി(കുടംപുളി) –5-6 അല്ലി അടര്‍ത്തിയെടുത്ത്(ചൂട്‌ വെള്ളത്തില്‍ കുറച്ച്‌ നേരം ഇട്ട് ,കഴുകി എടുക്കുക)

മല്ലിപൊടി –5 ടി സ്പൂണ്‍

മുളക്പൊടി – 2 അര ടി സ്പൂണ്‍ (എരിവിന് ആവശ്യമായ അളവില്‍ )

മഞ്ഞള്‍പ്പൊടി – അര ടി സ്പൂണ്‍

ഉലുവ – ഒരു ടി സ്പൂണ്‍ (പൊടിക്കാത്തത്)

കുരുമുളക്പൊടി – അര ടി സ്പൂണ്‍

ഉപ്പ് – പാകത്തിന്

എണ്ണ – 2 ടേബിള്‍സ്പൂണ്‍

കറി വേപ്പില – രണ്ട് തണ്ട്

തയ്യാറാക്കുന്ന വിധം

ചൂര മീന്‍ കഴുകി ,കഷണങ്ങള്‍ ആക്കുക

പൊടികള്‍ എല്ലാം പച്ച മണം മാറുന്നതു വരെ വറുത്തു മാറ്റി വെയ്ക്കുക.

ഒരു പാനില്‍ എണ്ണ ചൂടാക്കി ,ഉലുവ വറക്കുക. ഇതിലേക്ക് സവാള വഴറ്റുക. വഴന്നു തുടങ്ങുമ്പോള്‍ തക്കാളി ഇട്ട് ഇളക്കുക.

നന്നായി വഴറ്റിയ ഈ കൂട്ടിലേക്ക് വറുത്തു വെച്ച പൊടികള്‍ എല്ലാം ഇട്ട് ഇളക്കുക.

ഇനി ഒരു മണ്‍ചട്ടിയില്‍(ചുവടു കട്ടിയുള്ള)എണ്ണ ഒഴിച്ച് ,കറി വേപ്പില ഇട്ട് മൂപ്പിക്കുക, അതിനു ശേഷം മുകളിലുണ്ടാക്കി വച്ചിരിക്കുന്ന കൂട്ട്, ആവശ്യത്തിന് ഉപ്പും വെള്ളവും ചേര്‍ത്ത് ,കുടംപുളിയും ചേര്‍ത്ത് തിളപ്പിക്കുക. രുചിച്ചു നോക്കി എല്ലാംപാകമായി എന്ന് തോന്നുന്നെങ്കില്‍ മീന്‍ കഷണങ്ങള്‍ ഇതിലേക്ക് ഇടുക. അടച്ചു തിളപ്പിക്കുക .ഇടക്ക് ഇളക്കി കൊടുക്കണം .വെള്ളം മുക്കാലും വറ്റി കഴിയുമ്പോള്‍ തീ അണക്കുക .കറി തയ്യാര്‍ .ചോറ് ,കപ്പ ഇവയുടെ കൂടെ നല്ലതാണ്.

ചിക്കന്‍ കറി – കേരള സ്റ്റൈല്‍ / chicken curry kerala style

ചിക്കന്‍ കറി – കേരള സ്റ്റൈല്‍ Chicken Curry naadan kerala style recipe

ചിക്കന്‍ -2 കിലോ

ചിക്കന്‍ മസാല – അര ടി സ്പൂണ്‍

മഞ്ഞള്‍ പൊടി-1അര ടി സ്പൂണ്‍chicken curry

തൈര് – 1ടേബിള്‍ സ്പൂണ്‍

തേങ്ങ പാല്‍ – അര കപ്പ്‌ നല്ല കുറുകിയത്

രണ്ടാം പാല്‍ – ഒരു കപ്പ്‌

വെളിച്ചെണ്ണ – 2 ടേബിള്‍ സ്പൂണ്‍

കറി വേപ്പില – രണ്ട്‌ തണ്ട്

വറ്റല്‍ മുളക് – 6എണ്ണം

മല്ലി – 2ടി സ്പൂണ്‍

ഇഞ്ചി- 10ഗ്രാം പൊടിയായി അരിഞ്ഞത്

വെളുത്തുള്ളി – 16അല്ലി

കുരുമുളക് പൊടി – 1ടീസ്പൂണ്‍

പെരുംജീരകം –1 ടീസ്പൂണ്‍

പട്ട  – 2കഷണം

ഗ്രാമ്പു – 5 എണ്ണം

ഏലയ്ക്ക-3എണ്ണം

ജീരകം – അരടീസ്പൂണ്‍

സവാള –3 വലുത് കൊത്തി അരിഞ്ഞത്

പച്ചമുളക് –4 നെടുവേ കീറിയത്

തക്കാളി –2 അരച്ച് എടുത്തത്

തയാറാക്കുന്ന വിധം

ചിക്കന്‍ ഒരു ടീസ്പൂണ്‍ മഞ്ഞള്‍,  ചിക്കന്‍ മസാല ,ഒരു ടി സ്പൂണ്‍ ഉപ്പ്‌,തൈര് ഇവ ചേര്‍ത്ത് നന്നായി പുരട്ടി അര മണിക്കൂര്‍ വെക്കുക . പട്ട ,ഗ്രാമ്പു ,ഏലക്ക,പെരുംജീരകം,ജീരകം ,വറ്റല്‍മുളക്,മല്ലി ഇവ എണ്ണ ചേര്‍ക്കാതെ വറുത്ത് എടുക്കുക.അതിനുശേഷം പൊടിക്കുക .ഇതാണ് ഈ കറിയുടെ മസാല കൂട്ട് .

ഒരു പാനില്‍ എണ്ണചൂടാക്കി  അതില്‍ ഇഞ്ചി ,വെളുത്തുള്ളിയും പച്ചമണം മാറുന്നതു വരെ വഴറ്റിയശേഷം, സവാള വഴറ്റുക .കറി വേപ്പിലയും പച്ചമുളകും ചേര്‍ക്കുക ..സവാള നന്നായി വഴന്നു കഴിയുമ്പോള്‍,മഞ്ഞള്‍പൊടി അര ടി സ്പൂണ്‍, പൊടിച്ചു വച്ചിരിക്കുന്ന മസാല കൂട്ടും അരച്ച തക്കാളിയും ചേര്‍ക്കുക.ഇതിലേക്ക് കോഴികഷണങ്ങള്‍ ഇട്ട് ആവശ്യത്തിന് ഉപ്പും രണ്ടാം പാലും    ചേര്‍ത്ത് വേവിക്കുക .ചിക്കന്‍ മുക്കാലും വെന്തു കഴിയുമ്പോള്‍ കുരുമുളക് പൊടിയും  ചേര്‍ക്കുക .അതിനുശേഷം ഒന്നാം പാല്‍ ചേര്‍ത്ത് ചൂടാകുമ്പോള്‍ വാങ്ങി വെക്കുക.

നെത്തോലി തോരന്‍ Netholi Thoran / anchovil recipe

നെത്തോലി തോരന്‍ Netholi (Anchovy) Thoran

നെത്തോലി മീന്‍  – അര കിലോnetholi thoran

തേങ്ങ തിരുമ്മിയത്‌  – അര മുറി തേങ്ങയുടെ

കാ‍ന്താരി മുളക്  – 4-5     എണ്ണം (പച്ചമുളക് ആയാലും മതി )

ചുമന്നുള്ളി     –   7-8   എണ്ണം

വെളുത്തുള്ളി    –  2-3   അല്ലി

മഞ്ഞള്‍പൊടി    – കാല്‍ ടി സ്പൂണ്‍

കാശ്മീരി മുളക് പൊടി  – അര ടി സ്പൂണ്‍

ഇഞ്ചി    – ഒരു ചെറിയ കഷണം

കുടം പുളി – 2 എണ്ണം

(പച്ച മാങ്ങ വേണമെങ്കില്‍ പുളിക്ക് പകരം ചേര്‍ക്കാവുന്നതാണ്)

വെളിച്ചെണ്ണ  – ഒരു ടേബിള്‍ സ്പൂണ്‍

കറി വേപ്പില  – 3 തണ്ട്

ഉപ്പ്    – ആവശ്യത്തിനു

പാകംചെയ്യുന്ന വിധം

1.നെത്തോലി കഴുകി  ,വൃത്തിയാക്കി എടുക്കുക

2.തേങ്ങ  തിരുമ്മിയത്‌  മഞ്ഞള്‍ ,മുളകുപൊടി ,കാ‍ന്താരിമുളക് ,ചുമന്നുള്ളി , വെളുത്തുള്ളി ,ഇഞ്ചി ,കറി വേപ്പില എന്നിവ ചേര്‍ത്ത് ചതച്ചു എടുക്കുക .

3.ഒരു മീന്‍ ചട്ടിയില്‍ / പാനില്‍ വെളിച്ചെണ്ണ ഒഴിച്ച് (മീഡിയം ചൂട് മതി) രണ്ട്തണ്ട്‌ കറി വേപ്പില അതുപോലെ വെച്ച്‌, അതിലേക്കു നെത്തോലി മീനും തേങ്ങ അരച്ചതും കുടം പുളിയും ഉപ്പും ആവശ്യത്തിനു വെള്ളവും ചേര്‍ത്ത് അടച്ച്‌ വേവിക്കുക .ഇടക്ക് ഇളക്കാന്‍ മറക്കരുത് അല്ലെങ്കില്‍അടിക്കു പിടിച്ചു കരിഞ്ഞു പോകാന്‍ ഇടയുണ്ട് .

4. വെള്ളം നല്ലത്‌ പോലെ വറ്റി കഴിഞ്ഞ് തീ അണക്കുക.

5.അടുപ്പില്‍ നിന്ന് വാങ്ങി വെച്ചതിനു ശേഷം ഒരു സ്പൂണ്‍ വെളിച്ചെണ്ണ തോരന് മുകളില്‍ തൂവുക, ചട്ടി ഒന്ന് ചുറ്റിച്ച ശേഷം ഒരു  അഞ്ചു  മിനിറ്റ്  അടച്ച്‌ വെക്കുക .

6. ചൂട് ചോറിന്‍റെ കൂടെ വിളമ്പാന്‍ നെത്തോലി തോരന്‍ തയാറായി കഴിഞ്ഞു.

(ചെറിയ മത്തിയും ഈ രീതിയില്‍ തോരന്‍ വെക്കാവുന്നതാണ്)



Your Ad Here