പൊടി ചമ്മന്തി / Dry chutney for appam / podi chammanthy

പൊടി ചമ്മന്തി /  Dry chutney for appam / podi chammanthy

തേങ്ങ തിരുമ്മിയത്‌ – അര കപ്പ്‌Dry coconut chutney for appam

മുളക് പൊടി – അര ടി സ്പൂണ്‍

കുഞ്ഞുള്ളി – 2 എണ്ണം

ഉപ്പ് – പാകത്തിന്

എണ്ണ – ഒരു ടി സ്പൂണ്‍

കടുക് – അര ടി സ്പൂണ്‍

കറിവേപ്പില – കുറച്ച്

വറ്റല്‍ മുളക് – 1 (മൂന്നായി കീറി മുറിച്ചത് )

തയ്യാറാക്കുന്ന വിധം

1.തേങ്ങ, ഉള്ളി ,മുളക് പൊടി ,ഉപ്പ് എന്നിവ ചേര്‍ത്ത് ചതച്ച് എടുക്കുക(തോരന് ചതച്ച് എടുക്കുന്ന പോലെ,വെള്ളം ചേര്‍ത്ത് അരക്കരുത് ).

2.ഒരു പാനില്‍ എണ്ണ ചൂടാക്കി കടുക് ,വറ്റല്‍ മുളക് ,വേപ്പില ഇവ യഥാക്രമം മൂപ്പിച്ചെടുക്കുക .കടുക് പൊട്ടി കഴിയുമ്പോള്‍ തേങ്ങ ചതച്ചത്
ചേര്‍ത്ത് ചെറുതായി ചൂടാക്കുക. ഒന്ന് ചൂടായി വരുന്നത് വരെ ഇളക്കുക (5 sec). അതിനു ശേഷം തീ അണച്ച് അടുപ്പില്‍ നിന്നും മാറ്റുക .

3. ഈ ചമ്മന്തി പാലപ്പം,വെള്ളയപ്പം ഇവയുടെ കൂടെ നല്ലതാണ് .

വെജിടെബിള്‍ സ്റ്റൂ / Vegetable stew kerala style

വെജിടെബിള്‍ സ്റ്റൂ / Vegetable stew kerala style

ഉരുളക്കിഴങ്ങ് – 2Vegetable stew kerala style

സവാള      – 2

പച്ചമുളക്     – 3

കാരറ്റ്        – 1

ഗ്രീന്‍പീസ് – അര കപ്പ്‌

കുരുമുളക്(പൊടിക്കാത്തത്)    – അര ടി സ്പൂണ്‍

എണ്ണ – ഒരു ടേബിള്‍സ്പൂണ്‍

തേങ്ങാപ്പാല്‍ (രണ്ടാം പാല്‍ ) – ഒരു കപ്പ്‌

ഒന്നാം പാല്‍ – അര കപ്പ്‌

കറുവാപട്ട – ഒരു ചെറിയ കഷണം

ഗ്രാമ്പൂ – 2

ഇഞ്ചി    – ഒരു ചെറിയ കഷണം

വെളുത്തുള്ളി – 1 അല്ലി

കറിവേപ്പില – ഒരു തണ്ട്

ഉപ്പ് – പാകത്തിന്

തയ്യാറാക്കുന്ന വിധം

1)ഉള്ളി,പോട്ടാട്ടോ ,കാരറ്റ് ഇവ ചെറിയ കഷണങ്ങള്‍ ആക്കുക .പച്ചമുളക് രണ്ടായി കീറുക .

2)ഇഞ്ചിയും വെളുത്തുള്ളിയും ചതച്ചു എടുക്കുക .

3)ഒരു പാന്‍ ചൂടാക്കി അതില്‍ എണ്ണ ഒഴിച്ച് പട്ട ,ഗ്രാമ്പൂ ,ചതച്ച ഇഞ്ചി –വെളുത്തുള്ളി ,പച്ചമുളക് ഇവ ഇട്ട് മൂപ്പിക്കുക .

4)സവാളയും കിഴങ്ങും ഇട്ട് വഴറ്റുക .

5 )കുരുമുളക് ചേര്‍ക്കുക .

6)കാരറ്റ് ചേര്‍ക്കുക .വഴറ്റുക .

7)രണ്ടാം പാല്‍ ചേര്‍ത്ത് അടച്ചു വേവിക്കുക .ഗ്രീന്‍പീസ് ചേര്‍ക്കാന്‍ ഇഷ്ടമുള്ളവര്‍ ഈ സമയം ചേര്‍ത്ത് വേവിക്കുക .

8)കഷണങ്ങള്‍ പരുവത്തിന് വെന്ത് കഴിയുമ്പോള്‍ ഒന്നാം പാല്‍ ചേര്‍ത്ത് തിളക്കാന്‍ തുടങ്ങുമ്പോള്‍ തീ അണക്കുക .കറിവേപ്പിലയും ഉപ്പും ചേര്‍ക്കുക.വെജി ടേബിള്‍ സ്റ്റൂ  തയ്യാര്‍ .

9) പാലപ്പം ,ഇടിയപ്പം ഇവയുടെ കൂടെ നല്ലതാണ്

തീയല്‍ കറി (മിക്സെഡ് വെജിറ്റബിള്‍ തീയല്‍) /Theeyal – Mix vegetable stew / theeyal curry

തീയല്‍ കറി (മിക്സെഡ് വെജിറ്റബിള്‍ തീയല്‍) /Theeyal – Mix vegetable stew

ഉരുളകിഴങ്ങ് – സവാള തീയല്‍ കറി / Pototo Onion Theeyal

സവാള – 2 (ചെറിയ ചതുര കഷണങ്ങള്‍ ആക്കുക )theeyal

ഉരുളക്കിഴങ്ങ് – 2 ( ചെറിയ ചതുര കഷണങ്ങള്‍ ആക്കുക )

പടവലങ്ങ  – 50 ഗ്രാം ( ചെറിയ ചതുര കഷണങ്ങള്‍ ആക്കുക )

മുരിങ്ങക്ക  – 1 ( ചെറിയ ചതുര കഷണങ്ങള്‍ ആക്കുക )

മഞ്ഞള്‍പ്പൊടി – കാല്‍ ടി സ്പൂണ്‍

വെളിച്ചെണ്ണ – 1 ടേബിള്‍സ്പൂണ്‍

(2)പുളിവെള്ളം – പാകത്തിന് (ചെറിയ നെല്ലിക്ക വലുപ്പത്തില്‍ പുളി വെള്ളത്തില്‍ ഇട്ട് പിഴിഞ്ഞ് എടുക്കുക )

(3)ഉപ്പ് – പാകത്തിന്

അരപ്പിനു ആവശ്യമായ സാധനങ്ങള്‍

തേങ്ങ പൊടിയായി തിരുമ്മിയത്‌ – അര മുറി തേങ്ങയുടെ

മല്ലിപൊടി / ഉണക്കമല്ലി        – 2 ടി സ്പൂണ്‍

മുളക് പൊടി/വറ്റല്‍ മുളക് – 1 അര ടി സ്പൂണ്‍ /4 എണ്ണം

താളിക്കാന്‍ ആവശ്യമായ സാധനങ്ങള്‍

എണ്ണ – 2 ടി സ്പൂണ്‍

കടുക് – ഒരു നുള്ള്

വറ്റല്‍ മുളക് – 2

കുഞ്ഞുള്ളി വട്ടത്തില്‍ അരിഞ്ഞത്‌ – 1 ടി സ്പൂണ്‍

കറിവേപ്പില – 1 തണ്ട്

തയ്യാറാക്കുന്ന വിധം

1 ) ഒരു പാനില്‍ എണ്ണ ഒഴിച്ച് ചൂടാകുമ്പോള്‍ ഉള്ളിയും ഉരുളക്കിഴങ്ങും പടവലങ്ങയും വഴറ്റി എടുക്കുക .

2 ) ഇതില്‍ മുരിങ്ങ കോലും മഞ്ഞളപൊടിയും പാകത്തിന് ഉപ്പും വെള്ളവും ചേര്‍ത്ത് അടച്ചു വേവിക്കുക .

3 )മറ്റൊരു ചുവടു കട്ടിയുള്ള ചീന ചട്ടിയില്‍ തേങ്ങ വറുക്കുക .

4 )തേങ്ങ മൂത്ത് മണം വരുമ്പോള്‍ മല്ലി ,മുളക് പൊടികള്‍ ചേര്‍ത്ത് നല്ല ബ്രൌണ്‍ നിറം ആകുന്ന വരെ വറുത്തു കോരുക .

5 )ഈ ചേരുവകള്‍ എല്ലാം കൂടി മയത്തില്‍ അരച്ച് എടുക്കുക .

6 )ഉള്ളിയും പൊട്ടട്ടോയും മുക്കാല്‍ വേവാകുമ്പോള്‍ തേങ്ങ അരച്ചത്‌ ചേര്‍ക്കുക .

7) പുളിവെള്ളം ചേര്‍ക്കുക .ഉപ്പ് ആവശ്യത്തിനു ക്രമീകരിക്കുക .

8)കറി ഇടത്തരം അയവിലാകുമ്പോള്‍ വാങ്ങണം .

9)ഒരു പാനില്‍ എണ്ണ ചൂടാക്കി കടുക് ,കുഞ്ഞുള്ളി ,വറ്റല്‍ മുളക് ,കറിവേപ്പില ഇവ യഥാക്രമം ഇട്ട് മൂക്കുമ്പോള്‍ കറിയില്‍ ഉലര്‍ത്തി ഒഴിക്കുക.

10) ചോറ് ,കപ്പ പുഴുങ്ങിയത് , ചക്കപുഴുക്ക് ഇവയുടെ കൂടെ നല്ലതാണ്

ചക്ക കൂഞ്ഞ് തോരന്‍ / Chakka koonju Thoran

ചക്ക കൂഞ്ഞ് തോരന്‍ / Chakka koonju Thoranchakka koonu thoran

ചക്ക കൂഞ്ഞ് ചെറിയ ചതുര കഷണങ്ങളായി അരിഞ്ഞത് – രണ്ട് കപ്പ്‌

ചക്ക കുരു ചെറിയ ചതുര കഷണങ്ങളായി അരിഞ്ഞത്   – അര കപ്പ്‌

കുഞ്ഞുള്ളി അരിഞ്ഞത്– അര കപ്പ്‌

തേങ്ങ കൊത്ത്       – 3 ടേബിള്‍സ്പൂണ്‍

മഞ്ഞള്‍ പൊടി       – ¼ ടീ സ്പൂണ്‍

മല്ലി പൊടി          – 4 ടി സ്പൂണ്‍

മുളകുപൊടി         – 2 ടി സ്പൂണ്‍

തേങ്ങ തിരുമ്മിയത്‌    – ഒരു കപ്പ്‌

ഗരംമസാല          – ഒരു ടി സ്പൂണ്‍

ഉപ്പ്           – പാകത്തിന്

താളിക്കാന്‍ ആവിശ്യമായ സാധനങ്ങള്‍

ചക്ക കൂഞ്ഞ് അരിഞ്ഞത്

ചക്ക കൂഞ്ഞ് അരിഞ്ഞത്

എണ്ണ               – 1 ടീ സ്പൂണ്‍

കടുക്              – 1 ടീ സ്പൂണ്‍

വറ്റല്‍ മുളക്         – 2

കരി വേപ്പില        – 1 തണ്ട്

തയ്യാറാക്കുന്ന വിധം

ചക്ക കൂഞ്ഞ് അരിഞ്ഞത് ചക്കകുരുവും കുഞ്ഞുള്ളിയും തേങ്ങ കൊത്തും മല്ലിപൊടിയും മുളകുപൊടിയും ചേര്‍ത്ത് നന്നായി മിക്സ്‌ ചെയ്ത് ഒരു പാനില്‍ ആവശ്യത്തിനു വെള്ളം ചേര്‍ത്ത് വേവാന്‍ വെക്കുക .പാകത്തിന് ഉപ്പും ചേര്‍ക്കുക .

തേങ്ങ തിരുമ്മിയത്‌ ചതച്ച് എടുക്കുക .

വെള്ളം പകുതിയില്‍ കൂടുതല്‍ വറ്റി കഷണങ്ങള്‍ വെന്തു തുടങ്ങുമ്പോള്‍ ചതച്ച തേങ്ങ ചേര്‍ക്കുക. ഗരം മസാലയും ഈ സമയത്ത് ചേര്‍ക്കുക

വെള്ളം വറ്റുമ്പോള്‍ തീ അണച്ച് കടുക് വറുത്തു ചേര്‍ക്കുക. കൂഞ്ഞ് തോരന്‍ തയ്യാര്‍.

Jack fruit thoran

ചക്ക വേവിച്ചത് / ചക്ക പുഴുക്ക് / Kerala Jackfruit recipe/ chakka puzhukku

ചക്ക വേവിച്ചത് / ചക്ക പുഴുക്ക് / Kerala Jackfruit recipe

ചക്ക – 3 കപ്പ്‌ (വിളഞ്ഞ പച്ച ചക്ക)

ഉപ്പ് – പാകത്തിന്jack fruit recipe

അരപ്പിന് ആവശ്യമായ സാധനങ്ങള്‍

തേങ്ങ (തിരുമ്മിയത്‌)   –    1 കപ്പ്

വെളുത്തുള്ളി        –    7 – 8 അല്ലി

ജീരകം             –    അര സ്പൂണ്‍

മുളക് (കാന്താരി / വറ്റല്‍)-   5

മഞ്ഞള്‍പ്പൊടി        –    അര സ്പൂണ്‍

ഉപ്പ്‌               –    പാകത്തിനു

മുളക് പൊടി        –    2 സ്പൂണ്‍

കറിവേപ്പില         –    1 തണ്ട്

തയ്യാറാക്കുന്ന വിധം

നല്ല പച്ച ചക്കചുള ചെറിയ കഷണങ്ങള്‍ ആക്കുക .ഇത് ആവശ്യത്തിന് (3 കപ്പിന് 1 കപ്പ്‌ വെള്ളം മതിയാകും ) വെള്ളവും തേങ്ങ അരച്ചതും പാകത്തിന് ഉപ്പും ചേര്‍ത്ത് തട്ടി പൊത്തി അടച്ച് വേവിക്കുക .ചക്ക പാകത്തിന് വെന്തു കഴിഞ്ഞാല്‍ തീ അണച്ച് നല്ലത് പോലെ ഒരു കട്ടിയുള്ള തവി കൊണ്ട് ഇളക്കി ചേര്‍ക്കുക .ചക്ക വേവിച്ചത് തയ്യാര്‍ .(2-3 ചക്കകുരു കൂടി ചെറിയ കഷണങ്ങള്‍ ആക്കിയത് ചേര്‍ത്താല്‍ നല്ലതാണ് )

ഇത് ചൂടോടെ നെയ്യ് അല്ലെങ്കില്‍ വെളിച്ചെണ്ണ ചേര്‍ത്ത് കുഴച്ചു കഴിക്കാന്‍ നല്ല സ്വാദാണ്.

കൂടാതെ നല്ല കാന്താരി ചമ്മന്തി, മീന്‍ കറി, കോഴി കറി, പഴങ്കഞ്ഞി, അച്ചാര്‍, കഞ്ഞി എന്നിവയുടെ കൂടെ കഴിക്കാന്‍ പറ്റിയ നല്ല നാടന്‍ ആഹാര വിഭവമാണിത്.

കപ്പ / ചീനി വേവിച്ചത് Tapioca pudding / kappa cheeni vevichathu

കപ്പ / ചീനി വേവിച്ചത് Tapioca pudding

ആവശ്യമായ സാധനങ്ങള്‍Tapioca kappa cheeni

കപ്പ / മരച്ചീനി      –    1 kg

അരപ്പിനു ആവശ്യമായത്

തേങ്ങ              –    1

വെളുത്തുള്ളി        –    7 – 8 അല്ലി

ജീരകം             –    അര സ്പൂണ്‍

മുളക് (കാന്താരി ) –   5

മഞ്ഞള്‍പ്പൊടി        –    അര സ്പൂണ്‍

ഉപ്പ്‌               –    പാകത്തിനുtapioca kappa cheeni

മുളക് പൊടി        –    2 സ്പൂണ്‍

കറിവേപ്പില         –    1 തണ്ട്

തയ്യാറാക്കുന്ന വിധം

നല്ല കപ്പ (അകത്തു കറുത്ത പാട് ഒന്നുമില്ലാത്തത്) തൊലി കളഞ്ഞു ചെറിയ കഷണങ്ങളായി നുറുക്കിയെടുക്കുക.

തേങ്ങയും മറ്റു മുകളില്‍ കൊടുത്ത അരപ്പിനു ആവശ്യമായ സാധനങ്ങളും എല്ലാം കൂടി ചതച്ച്‌ മാറ്റി വെയ്ക്കുക. (അധികം അരഞ്ഞു പോകാതെ നോക്കുക, )

ഈ ചെറിയ കഷണങ്ങള്‍ കഴുകിയെടുത്ത്‌ ഒരു പാത്രത്തിലിട്ട് കപ്പ കഷണങ്ങള്‍ക്ക് മീതെ വരെ വെള്ളമൊഴിച്ചു തിളപ്പിക്കുക. തിളച്ചു തുടങ്ങുമ്പോള്‍ അടുപ്പില്‍ നിന്നും മാറ്റി വെള്ളം വാര്‍ത്തു കളയുക. കപ്പയുടെ കട്ടും, കറയും ഒഴിവാക്കാന്‍ ആദ്യത്തെ വെള്ളം നിര്‍ബന്ധമായും വാര്‍ത്തു കളയണം. ആദ്യത്തെ വെള്ളം വാര്‍ത്തു കളഞ്ഞില്ലെങ്കില്‍ തലവേദന വരാന്‍ സാധ്യതയുണ്ട്.

വീണ്ടും പുതിയ വെള്ളമൊഴിച്ച് ആവശ്യത്തിനു ഉപ്പും രണ്ടു നുള്ള് മഞ്ഞള്‍പ്പൊടിയും ഇട്ടു തിളപ്പിക്കുക. കഷണങ്ങള്‍ നല്ല പോലെ വെന്തു കഴിയുമ്പോള്‍ വെള്ളം ഊറ്റി കളയുക.

വെന്ത കപ്പ കഷണങ്ങളിലേക്ക് അരച്ചു വെച്ചിരിക്കുന്ന കൂട്ട് ചേര്‍ത്തു നന്നായി കട്ടിയുള്ള ഒരു തവി കൊണ്ട് ഇളക്കി ഉടച്ചു ചേര്‍ക്കുക. നല്ലതു പോലെ കുഴയുന്ന പരുവം വരെ ഇളക്കി കൊണ്ടിരിക്കുക.

നല്ല കാന്താരി ചമ്മന്തി, മീന്‍ കറി, കോഴി കറി, പഴങ്കഞ്ഞി, അച്ചാര്‍ , കഞ്ഞി  എന്നിവയുടെ കൂടെ കഴിക്കാന്‍ പറ്റിയ നല്ല നാടന്‍ ആഹാര വിഭവമാണിത്.